A Naupa An That Ruangah Minung 3 A That

Pyay Township, Pauk Khaung khua ah tualthatnak rapthlak zet a thleng. June 4 zan ah phe an lek ih ṭongkam el’awknak a suak hnuah tualthatnak a thleng ih minung 4 an thi.

Vengsung mi in, “Zan nazi 10 hrawngah phe an lek rero lai. Ṭongkam elawknak a suak ih an lekpi pakhat cu nam in an sat that. Mithi ih upa in a naupa an that ruangah a thinheng tuk ih a naupa thattu le a pa cu nam in ava sat that ve.

An pate khal nam in a sat ciamco, khawleng tiang a dum ih nam in a sat that. Pafa le an pate a that, tualthattu ih naupa thawn cun minung 4 an thi” a ti. Mithi pawl cu hliamhma nasa zet an tuar, lubul khal an um. Pum tlek khal an um, tualthattu khal nam ih sahnak hliamhma a tuar ve ih a tlanhlo.

Palik pawlin kai dingin an hawl rero lai. Khuami pakhat in, “Kum upa lam hlir an si. A naupa thattu cu kum 45 mi a si, a pa le a pate khal a that cih. Tualthattu cu kai dingin an hawl rero lai, palik pawlin an innsung ah zingzoinak an va nei” a ti.

Be the first to comment

Leave a Reply

Your email address will not be published.


*