A Naupai Lai A Siat Ruangah Tualthat Thubuai An Orhter, A Phen Ah >>>

US, Oklahoma ih um nunau kum 21 mi Brittney Poolaw cu nikum 2020 ah a naupai lai a siat ruangah tualthat thubuai an orhter ih an kai. Kan dung zarh ah a thuhla cu court in a relsak ih kum 4 sung thawngtla dingin le $20,000 zat kuan dingin a thu an ṭhencat ruangah mi ṭhenkhat cu an lungawi lo zet.

Sibawi lamin an zingzoinak ah a naupai lai a siatnak san cu ritheihsii a tham ruangah an ti, cun naute taksa sung khalah ritheihsii an hmuh thu an phuang. Brittney Poolaw cu a naupai lai a siat ruangah a thluak fehdan a dik lo ih a cau zet, Covid-19 thlisia a hrang laiah thla 18 sung thawnginn sungah an rak khum zo.

Tu’ah thiamlo an coter bet ih kum 4 sung thawngtla dingin a thu an ṭhencat. Nunau Humhimtu Pawlkom in “Brittney Poolaw hi hremnak pek ding asilo ih tuamhlawm ṭha sawn ding a si. Hremnak an pek cu Oklahoma daan le dun thawn a kalhaw, Oklahoma daan le dun ah zarh 20 tal kim lomi nau a siat asilen a paitu cu hremnak pek lo ding tin aum.

Cumi hnu ih nausiat khal a paitu a nu in sualnak a tuah ruangih a nau a siat a si lawngah hremnak pek ding ti a si, Brittney Poolaw ih nausiatnak cu ritheihsii ruangah ti tetti zianghman aum lo” an ti. An kaih pekte ah Brittney Poolaw in thusuttu palik hnenah “Nau a pai ti a theihawk ihsin naute a duh le duh lo khal a theiaw lo thu arak sim zo. Cun ziangtin nauthlak ding ti a theih lo thu pawl khal a sim thei. A lawyer in a thuhla relsal dingin ca a thehlut.

Be the first to comment

Leave a Reply

Your email address will not be published.


*