A Nu An That Ih A Fanu Sualtu (3) An Kai

Bago, Taung Ngu khua, bazar vengsung ih um innsang nu kum 40 mi Daw Yu Yu Khaing le a fanu kum 13 mi cu July 14, 2022 zinglam ah leiba hlam dingin an poksuak. Lamlak ah mipa pakhat in bike thawn a phur ih khawpawn ramlak ih um innkhan sungah a hruailut.

Cutawk ah an sualpi ih Daw Yu Yu Khaing cu an that, a fanu kumkim lo cu kut an thlak ciamco hnuah an sualpi ih zianghman a thei lo lawk. Tualthattu le mi pawngsualtu pathum cu July 15 zan nazi 8:00 hrawngah į¹­uanvo neitu pawlin an kai ngah.

An hmin cu Ko Nyeet (kum 29), Myothiha (kum 19) le kum 16 mi Myothura an si. Taung Ngu palik sakhan ah an khum ih pukmah 302/325 hmangin thubuai an orhter nan nauhak kumkim pawngsual thubuai pukmah cu hmuh a si lo.

Mibawmtu pawlkom in, “Sual tuahtu pathum cu an kai zo. Thubuai an orhter mi lakah nauhak kumkimlo pawngsual pukmah 376 ka hmu lo, nauhak te hi kumkimlo a si. Cozah daan hi ka soisel asilo nan nauhak te in diknak covo ngah seh ti ka beisei. Hridai thawn an tawnbet ih an vuak, an thong hnuah an sualpi. Tu’khalah Taung Ngu siizung ah an tuamhlawm rero lai, thinlung lam khalah harsatnak a tong thei lai” a ti.

Be the first to comment

Leave a Reply

Your email address will not be published.


*