A Nu Ih Thihsan Mi Naute Thla 6 Mi Cu Khine Hnin Wai In A La

Naute thla 6 mi in hringtu nu anei nawn lo nan pathian ih remruahnak in nudang a neisal. Kunchankone khua ih um nunau taksa damcak lo pakhat cu pawngsualnak ihsin nau a pai.

Fanute a hring ih a thuhla cu court in a buaipi rero, court ihsin a tlunglam ah lungphucawl in a thi thutthi. A thuhla cu Myanmar lemcan thiam Khine Hnin Wai in arak thei ih a zangfak tuk ruangah a tantami a fanu cu cawm dingin pum a pe aw.

Naute nu ih thubuai khal court in a cemter cih, Khine Hnin Wai in “Naute nu cu san dang ah hmuhsuam nautatnak tong nawn loin, taksa damcak zetin um hram seh ti thlaza ka cam. Na fanu cu rinsam um zetin ka rak kilkhawi ding, rung seherh duh hlah” a ti.

Khine Hnin Wai in 2014 kum ihsin nauhak cawmnak “Khine Hnin Wai Children’s Home” arak nei zo ih harsatnak phunphun tong nauhak tam zet a cawm thanglian.

Be the first to comment

Leave a Reply

Your email address will not be published.


*