A Nu Pawngsualtu A Unau (Cousin) A That

Thailand ralkap ṭuan lai mino kum 19 mi Watcharapong in a nu pawngsualtu a unaupa (cousin) Niphat cu August 16, 2022 zan ah nam in a dawt that. Watcharapong hi ralkap ṭuan lai a si ih Pattani province ah aum, thla 4 hnuah colh a la ih an inn ah a tlung.

A unaupa kum 36 mi Niphat in hringtu a nu cu arak sualpi zo ruangah a ngaih lo, a hmel hi a hmu thei lo. An inn ah ava tlung ih Niphat in hni siamsiam in arak zoh, aum lo sungah a nu cu arak pawngsual sal ti a theih veten a thinheng tuk ih a sup aw thei nawn lo.

Namtong a la ih Niphat cu a dum, lamzin kap ah a dum man ih a lu ah a dawt, a sat ih a hmun ah a thi. Watcharapong cu Mueng district ih um a rualpi inn ah a tlan, a thaisun nazi 3:00 hrawngah a relhnak hmun ah palik pawlin an va kai.

Hringtu a nu kum 46 mi cu palik pawlin thu an suhnak ah ‘Niphat in in pawngsual lo. Kan karlak ah zianghman aum lo, ziangruangah ka fapa in a that ti ka thei lo. A thiltuahmi cu a ṭha lo ruangah ka tlensuak lo ding’ a ti.

A pi kum 81 mi in, ‘A tupa Niphat cu pathlawi a si, fanu kum 4 mi a nei. Watcharapong tei innsang thawn an nai aw zet, kan innsang lakah Niphat hi hnaṭuantu umsun a si ih kan hngahawknak a si” a ti. Tualthattu Watcharapong cu thiamlo an coter asilen kum 20 sung thawng a tla thei, damsung thawngthlak lole thihdaan khal an orhter thei.

Be the first to comment

Leave a Reply

Your email address will not be published.


*