A Nui Tlangval In A Pawngsual, A Nu In ‘Zangnadawmnak Ah iPhone Leih Aw” A Ti

Indonesia, Medan khua ih um tleirawl kum 17 mi ‘S’ cu a nui tlangval in a pawngsual ih a nu in thupi ah ruat loin a tlangval hnenah “Zangnadawmnak ah iPhone leih aw” a ti.

Tleirawl humhimnak ah a hmin cu “S” ti lawngin an tarlang. A nulepa hi an umtlang nawn lo. A nu in tlangval a nei ih an inn ah ava leng ṭheu. August 2, 2021 zan ah ava leng ih zan laiah tleirawl ih room sungah a lut thup.

Tleirawl cu nupa-sinak hmang dingin a sawm ih arak duh lo ruangah a nam ciamco ih a sualpi. Tleirawl in a nu hnenah a sim thei ih a nu in “A cang zo mi cu khatin um men seh” tin arak ngaihsak lo. Cumi hnu ni reilote ah a nui tlangval cun a pawngsual sal.

A nu hnenah a simsal ih a nu in “Zangnadawmnak ah iPhone leih aw” a ti. Tleirawl in a tuar thei nawn lo ruangah a pai hnenah a tlan ih a parih thilthleng cu a sim thei. Sumatra Utara Police Station ah thubuai an thehlut ih pawngsualtu cu a phutawk hremnak pe dingin an tawlrel rero lai. (#WOB, Detik)

Be the first to comment

Leave a Reply

Your email address will not be published.


*