A Nung Lai In A Vun An Lip

Poland fala kum 23 mi Katarzyna cu a hlo, misual in an kaihrem. An hrem ciamco hnuah a nung lai in a vun an lipsak. A thih hnuah an sualpi, a thisen a suak tam tuk ruangah a thi. An khua tiva kiangah minung vun phoro mi an hmu hnuah an zingzoi ih mihlo an hawl rero mi Katarzyna ih vun ti an thei.

An zumdan cun tualthattu in a vun hi hruh a tum si ding an ti. ‘The Silence of the Lambs’ timi zuknung vekin a cangvai tum si ding ti zumnak an nei, vun an hmuhnak kiangah a ruak khal an hmu.

Mipa kum 52 mi Robert cu tualthattu ih rinhlel in an kai nan tuini tiang a phuangaw hrih lo, tualtthatu a si lo thu a rel. Robert hi martial arts kuatthiam a si ih nunau a hmuhsuam ṭheu ruangah palik pawlin an kai zo.

A inn sung an zohdiknak ah thisen fawr an hmu ih Katarzyna ih thisen thawn a milaw, cun Robert in Katarzyna hi ‘ka thei dah lo’ a ti nan a thlan ih ava feh ṭheu lai kiangkap ih um pawlin an rak hmu thu an rel. Robert ih pa khalin a fapa cu tualthattu a si lo, miṭha a si a ti. Palik pawlin thilumdan an zingzoi rero lai.

Be the first to comment

Leave a Reply

Your email address will not be published.


*