A Nupi A Nu Tei Inn Ah A Tlan, A Thinheng Tuk Ih Motor In A Pi Tei Inn Cu Ava Pahsiat

Malaysia nupa tuakhat cu June 28 sunah an kawkaw ih an pa in kut a thlak ruangah innsang nu cu a tlan, a fate 3 hruai in a nu tei inn ah an va tlan.

Innsangpa in an tlan ti a theih veten a thinheng tuk ih motor tumpi lorry in a pi tei inn cu ava pahsiat rumro. A patsiat hnuah a nupi cu kut a thlak tum ih venghnen pawlin palik an rak ko man ruangah kut a thlak man lo.

An inn a pahnak ah hliamtuar an um lo. Innsang nu kum 30 mi in a pasal in kut a thlak ringring ih a hmai khalah a thong. Curuangah a tuar thei nawn lo ih a tlan thu palik hnenah a sim, a taksa par khalah a pasal ih kutthlaknak hliamhma an hmu ih a pasal cu an kai.

A nupi le a fale pawl cu hmunhimnak ah an ret ih an inn sia khal runsuaktu pawlkom in an remṭhah sak. Palik bawi in “Nupi cu ṭongkam elawk dan, kawkawk dan cu a si ko. Asinan, ṭongkam elawk tikah kutthlak awk ding a si lo, thahrum thawnnak in cinfel tum ding a si lo. Ṭhaten thurel tlangnak ihsin nupa karlak ih thubuai cu cinfel tum sawn ding a si” a ti.

Be the first to comment

Leave a Reply

Your email address will not be published.


*