A Nupi A That Ih A Phum Laitak Ah Lungphu Cawl In A Thi

US, South Carolina ih um putar kum 60 mi Joseph in a nupi kum 65 mi Dent cu kan dung zarhte zinglam ah a rek that. A tha hnuah an hmunchar ah lei a lai, a nupi ruak cu hridai in a tawnbet. Leikua sungah a nupi ruak cu a thlak ih a silh rero laiah lungphun cawlin a thi.

A nupi Dent cu hnaṭuannak ih an hmuh lo ruangah a hnaṭuanpi pawlin an phone rero nan phone a kai thei lo. Zinglam nazi 10:00 hrawngah an innhnen tei in an hmunchar ih let Joseph cu an hmu, an va kaitho tum rero nan a tho thei nawn lo.

Siizung ah an tlanpi nan a thi zo, cumi hnuah a nupi ruak khal an hmu. Palik pawlin an zingzoinak ah Joseph cu mikuttuar ih thi asilo, lungphu cawl in a thi an ti. A nupi ruak cu siibawi pawlin an zohdik ih a hngawng ah an rek that an ti. Ziangruangah a nupi a that ti cu an thei hrih lo.

A nupi ih phirpi in, “Mangsia ka man ah ka ruataw, ka mang cu a si fawn lo. Miṭha le mifel zet a si, kum 65 a kim zo nan hna a ṭuan rero lai” a ti.

Be the first to comment

Leave a Reply

Your email address will not be published.


*