Nigeria, Ogun khua ih um pacang kum 36 mi Kingsley in a nupi cu hlawhhlang ṭuan dingin a zuarsuak. A nupi thawn fapa kum 2 mi an nei.
October 2021 kum ah a nupi cu Bamako Mali ah hnaṭuan dingin a thlah, a nupi hnenah ‘thil ziangkim ka bia fel thluh zo. Hnaṭuan ṭha zet a si, a ṭihnung lo’ a ti. A pasal parah rinhlelnak zianghman a nei lo ih hnaṭuan dingin ramdang ah ava feh.
Bamako Mali a thlen tikah nunau pakhat in arak hmuak ih misual pawlkom an rak si. A pasal in N1,400,000 in a zuar thu an sim thei, a duh lo nacingin hlawhhlang an ṭuanter. Cumi hnuah Bamako ih um Nigerian embassy pawl a pehtlaih ih an runsuak hnuah an ram Nigeria ah a tlung.
Inn ava thlen tikah cun a fapa kum 2 mi a hmu lo, palik hnenah a parih thilthleng cu a sim thei ih a pasal cu an kai. A pasal in an fapa kum 2 mi khal N600,000 in a zuar thu a phuangaw. A fapa leitu cu palik pawlin kai dingin an hawl rero lai.
Leave a Reply