A Nupi Cu Lamzin Kap Ih Um Mipa Thawn An Uire

Brazil, Jardim Roriz khua ih um innsang nu pakhat cu lamzin kap ih um mipa thawn an cangsual. A pasal cu taksa cangvaihnak ih training petu a si. A nupi hi biakinn feh ṭheu a si ih an kawhhran fehtlang in lamzin kap ih um pawl hnenah bawmnak an va pe ṭheu.

March 10, 2022 simlam ah hmin tarlang rem hrih lo innsang nu le a ni cu lamzin kap ih um pawl hnenah bawmnak an va pe. Hmun dangdang ah an feh ih a ni cu inn ah a tlung lohli, anih cu a tlung har tuk ruangah a pasal in a phone rero nan phone a kai thei lo.

Curuangah a pasal in an fehnak hmun kiangkap ah ava hawl ih tlawnginn kiangah a nupi ih motor a hmu. Motor thlalang ihsin motor sunglam avun bih cu a nupi le mipa pakhat an ittlang lai a hmu ih a thinheng tuk.

Motor thlalang cu a thongkuai ih mipa cu a vel ciamco, mipa cu bawngbite hruh loin a tlan ih ava dumsal hnuah nasa zetin a vel, a nupi khal ti ngaihnak thei loin motor kiangah khuk a bil lai cu CCTV in arak zuk ngah. Lamzin kap ih um mipa cu hliamhma nasa zet tuar in siizung ah an tuamhlawm rero lai.

Innsang pabik in, “Ka hmuh pekte ahcun ka nupi hi a pawngsual ah ka ruat” a ti. Asinan, pawngsual a si lo ih kaphnih lungkimnak ih cangsual an si thu theih a si. A nupi in, “Pathian ṭongkam ka thei ih lamzin kap ih um mipa hi bawm dingin in fial” tin palik pawl hnenah a sim thei. Palik pawlin an thubuai cu an zingzoi rero lai.

Be the first to comment

Leave a Reply

Your email address will not be published.


*