A Nupi Duhtak In Nau A Pai Ti A Theih Hnu A Thaisun Ah A Thi

Malaysia ramah nupa tuakkhat duhdawtaw zet an rak um, kum 2 sung an umtlang zo nan nau an pai thei lo ih an pa in nau neih a cak tuk. An pa Wan Muhammad Hasruldin cu hmun dangah hnaṭuan in a poksuak ṭheu.

August 2, 2021 sun ah Shaa Ibrahim in nau a pai le pai lo a check-up aw ih nau a pai ti an nenhnget. A lungawi tuk ruangah a pasal cu a sim thei lohli, a pasal khal a lungawi tuk ih motor lei arak tummi khal a ṭhulhsal.

Motor leinak dingih arak khawlmi sumpai cu an nauthar hrangah a hmang tum sawn. Cutin, lungawi zetin tlaikhat cu an hmangliam, a thaizing ah Wan Muhammad Hasruldin cu hnaṭuannak ih a feh lamah accident a tong ih a thi.

Shaa Ibrahim in “Honey, kum 2 sung na rak hngak zo nan ziangti ṭha. Pathian (Allah) in a hnenah a lo hruaisal. WhatsApp ah ca ka lo kuat ih ka lo kuat netabik a si ding. Tuisun ah ka lo phone rero nan phone na kai thei nawn lo” a ti. Wan Muhammad Hasruldin ih ruak cu an khua Kampung Slow Machang ah an vuiliam.

Be the first to comment

Leave a Reply

Your email address will not be published.


*