A Nupi Hlun Cu A Nu-Ei Ah A Cang, A Pa Thawn An Neiaw

Uttar Pradesh, Badaun district ih um mipa kum 22 mi in a nu-ei cu a nupi hlun a si ti a theih veten a riahsia tuk. Hringtu a pa cu kum 48 mi a si ih khua dangah kutkolhnak sanitation tuah in hna a áš­uan.

Asinan, inn lamah sumpai a kuat nawn lo ih a fapa khal a pehtlaih nawn lo, a fapa in a pai umnak a theih lo ruangah mihlo thuhla in District Panchayati Raj Office ah thubuai a thehlut.

Palik pawlin an hawl vivo hnuah nupi thar nei in an khuasa ti an thei, a pai nupi thar cu a nupi hlun a si ti a theih veten a riahsia tuk. Tuih a nu-ei thawn 2016 kum ah an rak neiaw zo, an tleirawl laiah an neiaw ih thla 6 sung lawng an neiaw.

Kum an kim hrih lo ih a nupi cun arak tlansan, a nupi cu ava kosal rero nan arak thlun duh nawn lo ih zu tama ah a suak. Cumi hnuah a pa thawn an tongaw ih an neiaw, a pa thawn fate kum 2 mi khal an nei zo.

Kum 22 mi cun an thuhla cu palik sakhan ah a sim thei, asinan a pai nupi thar in a pasal hlun hnenah a kir duh nawn lo thu a sim thei ih tu’ih a pasal hnenah a hlim thu a rel.

Police officer in “Ahlan ih an neihawk laiah an nauhak lai ih documents zianghman an nei lo, curuangah an thubuai cu kan ngankhum thei lo. Kaphnih in kan lo ko leh ding” an rak ti.

Be the first to comment

Leave a Reply

Your email address will not be published.


*