A Nupi Hlun Pasal A Neih Zan Ah An Inn Ava Urkang

Egypt pacang in a nupi hlun in pasal a nei ti a theih veten a thinheng tuk ruangah an inn ava urkang sak. Qena Governorate, Abu Chat khua ih thilthleng a si.

Innkang ruangah mithi le hliamtuar cu an um lo ih meitat pawlin kangmei cu an va phalhmit thei. Inn urkangtu khal palik pawlin an kai ih a phutawk hremnak pe dingin an tawlrel rero lai.

A nupi thawn an ṭhenawknak hi kum 5 a rei zo, a nupi hlun hi an sungkhat naite a si. An neihawk hnuah fanu pakhat an nei, asinan a nupi ih innsang pawlin ṭhenaw dingin an tawlrel ruangah an ṭhenawk thu pawl palik hnenah a sim thei.

An ṭhenawk zan khalah an innsang kaphnih ah buainak nasa zet a thleng ih minung 4 in hliam an tuar phah. Cutin an ṭhenawk hnu kum 5 hnuah a nupi hlun in pasal dang a nei cu a tuar thei lo ruangah an inn cu ava urkang.

Be the first to comment

Leave a Reply

Your email address will not be published.


*