A Nupi Hrangah A Kal A Hlu, Cumi Hnuah A Nupi In A Ṭhen Tum Ih “Ka Kal In Pesal Aw” A Ti

US, Long Island tikulh ih um pacang Richard in 2001 kum ah a nupi damlo hrangah a kal pakhat a hlu. A kal pakhat a hlu ruangah a nupi cu a damṭha.

Kum 4 sung an umtlang hnuah a nupi in ṭhen aw dingin court ah thubuai ava thehlut. A nupi in, ‘Innsungsang ah kutthlak a hmang, fala dang a nei’ tin thubuai a thehlut ih ṭhenaw dingin a ti.

Court in an thuhla a relcat hlanah Richard in a nupi cu taza a cuai ve, “Ka kal kha in pesal aw, in pe lo asilen zangnadawmnak ah $1 million in pe aw” a ti.

An thuhla cu court in a zohfel hnuah Richard ih thubuai thehlut mi cu an hnawng ih ‘Kal hlu ih dilsal cu sualnak cikhat a si. Himi thubuai na thehlut ruangah hremnak dang kan lo pe thei’ an ti.

Be the first to comment

Leave a Reply

Your email address will not be published.


*