A Nupi Ih Duh Zet Mi Hotel Ah Rawl Ava Ei, A Cangvaih Dan Ruangah Kiangkap Ih Um Pawlin An Hnihsan Nan A Thuhla An Thei Cu An Mitthli A Fawr

China pacang pakhat cu hotel ah ava feh ih rawl tampi a cah. Amah lawngin cabuai pakhat ah a to ih a hmai ah minung to um vekin a bia rero, pakan khal a ret ih rawl thawthaw a ret ih a hni siamsi. Kiangkap ih um pawlin a cangvaih dan hi a mak an ti tuk ruangah an rak hnihsan.

Hnaṭuantu khal a hnihsuak ve ih thilumdan theifiang dingin “Ka lo bawm thei kem maw?” tin ava sut. Pacang in, “Tuisun hi ka nupi thawn kan neihawk kumhnih kimnak a si. Ka nupi cu vanram ah aum zo, in thihsan zo.

Ka nupi a dam laiah himi hotel hi a ngaina tuk, ka nupi a thih hnu khalah ka nupi ka ngai caan ah nan hotel ah ka ra ṭheu” tin a sim thei ih hnaṭuantu cu lungzuur in a kirsal.

Pacang cu a hni siamsi thei nawn lo ih arak sup ringring mi a lungsung ih a mitthli cu a biang ah ara luangsuak. A kiangkap ih to pawl khal an hni thei nawn lo ih an ṭap…Ṭangṭhen cu tuarthiam a har.

Be the first to comment

Leave a Reply

Your email address will not be published.


*