A Nupi Ih Naunu A Pawngsual Ruangah TNLA Pawlin An Kai, A Nupi In A Naunu Cu Ava Vuak

Shan State, Namhsan khua ah pacang kum 35 mi in a nupi ih naunu fala kum 21 mi cu a pawngsual ruangah tualsung mipi ralkap TNLA pawlin an kai. TNLA pawlin a pasal an kaih ruangah a nupi cu a thinheng tuk ih a naunu cu ava vuak ciamco.

May 13, 2022 sun ah fala kum 21 mi cu a damlo, a cau tuk ruangah an inn ah siivai an thlaih. A unu ih pasal in ava vehvai ih zohman an um lo ruangah a duh lo nacing in a sualpi. Nikhat ah veihnih a sualpi.

Tualsung mi pakhat in, “Fala nute cu a damlo ruangah inn ah siivai an thlaihaw, simlam ah a ziaum deuh ih a tho thei. A unu ih pasal ih ava vehvai ih a mit le a kaa a tuampit hnuah a duh lo nacingin a sualpi” a ti.

A nulepa an tlun hnuah a parih thilthleng cu a sim thei, a nulepa in TNLA hnenah zual an ko ih mi pawngsualtu cu May 15 sun ah an kai. Vengsung mi in, “A unu ih pasal in midang hnenah na sim asilen nan innsang zaten ka lo that thluh ding tin a hringhro ta.

A nulepa hnenah a sim ih a nulepa in TNLA hnenah an hek ruangah an makpa cu an kai. A unu in ‘nangmah ruangah ka pasal aum nawn lo’ tin a naunu cu ava vuak ciamco. A vuaknak ah a taksa khal a thling thluh” a ti.

An makpa cu Mandalay, Meiktila khuami a si. Namhsan khua ah hnaŠĻ≠uan in aum ih nupi a nei lanta, 2019 kum khalah a nupi ih naunu cu pawngsual arak tum zo. Fala kum 21 mi cu pawngsualnak ruangah le a unu ih vuaknak ruangah hliamhma nasa zet a tuar ih siizung ah an tuamhlawm rero lai.

Be the first to comment

Leave a Reply

Your email address will not be published.


*