Thailand, Buri district ih um pacang in August 17, 2022 zan ah a nupi ih tlangval kum 51 mi Champa cu nam in a dawt that. Loram sungah ṭongkam an el aw ciamco ih nam in vei-8 a dawt hnuah bike thawn a tlanhlo.
Palik pawlin an zingzoinak ah Champa le a nupi hi a thupten an kop aw ṭheu ti rinhlelnak a neih ruangah a that ti an thei.
Mithmutu in, “Zan nazi 9:30 hrawngah meisa ka muah rero laiah ara ih Champa ih umnak in sut, bike thawn a suak lawk ka tiih a hngak. Champa ara thleng hnuah loram sungah an va feh ih ringpin ṭongkam an el aw ciamco ka thei, cumi hnuah bike thawn a tlansuak.
Champa cu ka ko rero nan in letsawng lo, a thawmvang ka thei nawn lo. Va zohnai ding in ka ṭih tuk ruangah palik pawl ka ko” a ti. Palik pawl an va thleng hnuah an va zohnai ih loram sungah Champa cu arak thifel zo. Tualthattu hi an kai ngah hrih lo ih palik pawlin an hawl rero lai.
Leave a Reply