A Nupi In A Kawk Ringring Ruangah A Ning Tuk Ih Palik Sakhan Ava Urkang, A Nupi Kiangih Um Aiin Thawnginn Sungih Um A Duh Sawn

Kawl pawlin innsang din ti cu innsang thawngtla an rak ti, asinan ṭhenkhat cun thawnginn ngaingai ih um a nuam sawn dingah an ruat sawn.

India, Gujarat ih um pacang pakhat in a nupi phunciar tuk kiangih um a paih nawn lo ih thawngthlak a duh sawn ruangah palik sakhan ava urkang, a hmin cu Devo Chavda a si ih nitinten eicop hawl ih hnaṭuan ṭheu a si.

An inn kot ah palik sakhan aum. An innsang ah a nupi cu a phunciar thei tuk ruangah a ning tuk ih an inn kot ih um palik sakhan cu ava urkang, a urkang hnuah a kiangah a ding ringring ih palik pawl ih an ra kaih ding caan a hngak.

Kiangkap um mipi pawlin kangmei cu a nasa hlanah an mit man, palik pawlin an kai ih a lungthlitum vekin “Cozah thilri, bungrua siatsuah thubuai an orhter, thiamlo a co asilen kum 10 sung thawngthlak & hremnak a tuar thei.

Palik bawi in “A nupi thawn an kawk aw ṭheu, innsang harsatnak le sumpai lam buainak ruangah a nupi thawn an kawkawk ṭheu ih a ning tuk ruangah palik sakhan a urkang thu a phuangaw” a ti. (Ref: Indiatimes)

Be the first to comment

Leave a Reply

Your email address will not be published.


*