A Nupi In A Thihsan Hnuah A Zunngai In A Thlan Kiangah Ava Um

Kan pilpu pawlin leitun ih tuar harsa bik an rak timi cu nupa tangṭhen hi a si. Vietnam pacang cu a duhdawt zetmi a nupi in a thihsan ih a zunngai in a thlan kiangah ava um ringring. Thlakhat lenglo a nupi thlan kiangah aum zo ih a fale pawlin rawlei ding an va pe ṭheu.

A fanu Kieu MyTran in a pai dinhmun cu zoh harsa a tituk ruangah online parah a tarlang ih, “Ka nu’n in thihsannak hi thlakhat lenglo a si zo, midang cu kan thin a dai zo nan ka pa in a thi ti a pom thei hrih lo.

A thlan kiangah pher a zar ih a riak ṭheu, zohman in kan hnem thei lo. Veikhat khal zanṭim laiah ka pai dinhmun ka va zoh ih arak ṭap rero, ziang tuah ding ti khal ka thei nawn lo. Ka nui thlan kiangah a riak ih a caan len ka nu biak tum in amah le mah a biaaw rero. Khuasik, ruahsur caan khalah aum ringring ruangah a fale pawl cu kan thinhar tuk” a ti.

Innsang nubik cu bese zetin a damlo hnuah mual a liam. Online mipi pawlin an thei dandan in hnemnak ca an tan ih ṭhenkhat in, “Tulai caan ah hivek ih duhdawtnak neitu hi an um mumal nawn lo.

Tulai mino pawl cu an neiaw ih reilote hnuah an ṭhenaw lohli ṭheu, tulai san ah hivek ih duhdawtnak neitu pacang cu upat a tlak tuk an ti. Cun, “khatin umter hrih uhla a ngairiam hnuah amahten nan hnenah ara kirsal ding” tin a fanu cu an hnem.

Be the first to comment

Leave a Reply

Your email address will not be published.


*