A Nupi In A Thihsan, “Zohman Ka Mawhpuh Lo, Ka Nupi Hi A Vanduai” A Ti

Yangon, SiSyaPhaw vengsung ih um innsang nubik kum 43 mi Ma Hnin Nwe Oo cu April 9 ah a hnaṭuannak kiangkap ah bomb a puak ih a nunnak a liam, a pum a puak ih a rawlei mi pawl a pawtsuak.

A falat lai ihsin Golf Course ih hnaṭuan a si, a pasal U Aung Aung cu lamzin kap ah thirleng tuah in eihawl a si. Kum 20 lenglo an neiaw zo ih fanu pahnih kum 13 mi le kum 8 mi an nei. April 8 zan ah a nupi ih samvar cu a phawi sak rero, a thaizing ah a nupi in a thihsan cu a riahsia tuk ih.

U Aung Aung in, “A samvar ka phawisak lonak a rei zo, a caancaan ahcun ka nupi hi ka ngai tuk ih ‘na samvar phawisak ṭul maw tin keimahten ka ṭongsuak ṭheu” a ti. A fanu le hnenah a nupi thi thuhla hi a sim ngam lo lohli, neta ahcun “Na nu cu vancung mi ah a cang zo” tin a simfiang hnuah a fanu le pahnih cu an ṭap ciamco.

U Aung Aung in, “Ka nupi thihnak ruangah zohman ka mawhpuh lo, ka nupi hi a vanduai a si bik. Innsang dang pawlin kan ton vek an tong ding cu ka duh lo, ka fanu le pahnih cu ka theitawk in ka kilkhawi vivo ding” a ti.

Be the first to comment

Leave a Reply

Your email address will not be published.


*