A Nupi In Mee Sa A Suangsak Lo Ruangah A Thinheng Tuk Ih Palik Pawl A Ko

March 18, 2022 zan ah India pacang in palik pawl a phone ih a nupi in mee sa a suangsak duh lo thu a sim thei.

Palik pawlin capoh a tuah men ah an ruat ih an ngaihsak lo, asinan vei-6 a phone hnu ahcun an inn ah an va feh ih zu a ri tuk ti an thei.

Thilumdan cu: zuri zetin inn a tlung ih mee sa a lei phah, asinan a nupi in a mee sa leimi cu a suangsak duh lo ruangah a thinheng tuk ih palik pawl a ko.

Zu a rit tuk lai ruangah palik pawlin an tlansan, a thaizing ah an va fehsal ih thil thupi lo tuk ah palik pawl a hnaihnok ruangah an kai. Palik bawi in, “Thil thupi lo tuk ahcun palik pawl hi hnaihnok hlah uh” a ti.

Be the first to comment

Leave a Reply

Your email address will not be published.


*