A Nupi In Rawl A Tuah Al Tuk Ruangah A That

Mumbai khawpi ah pacang kum 46 mi in a nupi cu rawl ruangah a that. Hnaṭuan a feh hlanah a nupi in thaithawh a tuahsak.

A thaithawh ei mi cu a al tuk ruangah a nupi thawn ṭongkam an el’aw ih a nupi cu a vel ciamco. An fapa kum 13 mi in thilthleng zaten arak hmu thluh, ṭap phahin a nu cu vel nawn lo dingin a ngen nan a pa in a vel thotho.

A nupi ih hngawng ah a rek ih a cang thei nawn lo hnuah hridai thawn a rek bet ih a tlan. A fapa in a pi le a pate a ko ih innsang nu cu siizung ah an tlanpi nan lamlakah a hnukcat.

A thaizing ah tualthattu khal palik sakhan ah ava ap’aw ih a nupi a that thu a phuangaw, thisen sang a neih thu khal palik hnenah a sim thei. Mithi ih upa in, ‘an innsang buainak hi zarhhnih hrawng a si zo’ a ti.

Be the first to comment

Leave a Reply

Your email address will not be published.


*