A Nupi In Thildang A Suangsak Dah Lo, Maggi Lawnglawng A Suangsak Ruangah A Ṭhen

Nupa tuakhat cu maggi lawnglawng an ei ṭheu ruangah an ṭhenaw. Karnataka, Ballari khua ih um thuṭhentu lawyer in a thilton danglam zet cu media hnenah a sim thei ih ‘maggi buainak’ a ti.

Innsang pa in, “Ka nupi in thildang suang a thiam lo. Maggi lawnglawng a suang ringring. Thaithawh, suncaw le zanriak khalah maggi lawnglawng a tuah. Ka celh nawn lo” tin ṭhenaw dingin thubuai ava thehlut.

Thuṭhentu in an thuhla cu a buaipi ih ṭhenaw lo dingin a tawlrel sak nan a hlawhsam, maggi ruangah an ṭhenaw phah. Lawyer in, “Khawpi lam aiin khuate lamah thubuai tenau a suak ṭheu, khawpi lamih um nunau pawl cu an lung a fim deuh ruangah thilumdan an theithiam.

Tulai hi nupa ṭhenaw an tamtuk. Kumkhat sung neihawk hnu lawngah ṭhenawknak thubuai thehlut siang ding tin daan le dun tuah thlang sehla a ṭha ding. Mopuai tuah lai ih ṭhenawknak thubuai thehluttu khal an um” a ti.

Thuṭhentu in thubuai danglam zet a buaipi mi ṭhenkhat khal a rel cih, ‘Ṭhenkhat cu a nupi in a biak dah lo ruangah thubuai a thehlut. Rawl lakah cii rawi tamtuk ruang khalah thubuai thehluttu an um, leng vahsuah tikah nupi hruaitel lo ruangah ṭhenaw khal an um” a ti.

Be the first to comment

Leave a Reply

Your email address will not be published.


*