A Nupi Le A Fale 2 Tiva Ah An Fen That, Runsuah A Tumnak Ah A Fen That, Kiangkap Um Mi 2 In Runsuah An Tum Ih An Pil That

Magway, Pakokku khua ah thihhlohmak rapthlak zet a thleng. March 25, 2022 ah an khuami 6 cu tiva ah an fen that thluh. Irrawaddy tiva ṭek ah tak an kholh, tak an kholh rero laiah ahmat (8) vengsung ih um innsang nu pakhat le a fale 2 cu tiva ah an fen.

An talbuai rero laiah innsang pabik in ava runsuak tum ih a vanduai. Kiangkap ih um mipa pahnih in an rak hmu ih an va runsuak tum venak ah an cangsual ih an zaten an thi thluh.

Pakokku mibawmtu in, “Innsang pabik ih hmin cu Ko Lin Kyaw a si, a nupi cu Ma Khin Myo Oo a si. Ko Lin Kyaw cu vurbawm tuahtu a si. Tiva ih fen that mipa pahnih khal Ko Lin Kyaw hnenah vurbawm tuah an zir. Minung 6 cu tiva ah an fen that thluh, innsang member 4 le anmah bawmtu mipa 2 an si” a ti.

Khuasung mi le mibawmtu pawlin mithi ruak cu an hawl rero hnuah innsang nubik ih ruak an hmu hmaisabik, midang 5 cu zan nazi 8:00 hrawngah an hmu.

Mibawmtu in, “Tiva ih fen hmaisabik nunau ih ruak kan hmu hmaisa, midang 5 cu zan nazi 8:00 hrawngah kan hmu thluh. An tlaknak tiva ah mi an fen that ṭheu, tidai a tam tikah an tlaknak hmun cu tiva thi a si” a ti. Mithi ruak 6 cu Pakokku siizungpi ah an ret ih zohdiknak an nei rero lai.

Be the first to comment

Leave a Reply

Your email address will not be published.


*