February 2020 ah Australia, Brisbane pacang in a nupi le a fale pathum a urthat. Tulawng ah an thuhla a cipciar in an tlangthan. Pacang Baxter in a nupi hi kut a thlak ṭheu, innsungsang ah buainak tuah tin court in thubuai a orhter.
A nupi in a fale pawl a hruai ih a nulepa inn ah an tlan. Baxter in a nupi ih fehnak cu arak zoh thup ringring. A nupi in a fale pawl tlawng a thlah lamah lamzin ah arak kaitang, motor sungah a lut ih ṭongkam an el’aw.
Baxter in motor cu a urkang, motor sangka pawl a kharpit thluh. Kiangkap ih um pawl hnenah zohman bawm hlah uh a ti hnuah amah le mah a thataw. A fale kum 6 mi, kum 4 mi le kum 3 mi cu motor sungah an kangthat thluh, a nupi ih taksa cu 97% in a kang.
Runsuaktu pawlin an tuamhlawm rero laiah, “Ka fale pawl cu motor sungah an um thluh, ziangruangah an kiangah ka um ve thei lo” a tiih a thi. A nupi le a fale pawlin an tlansan laiah Baxter in a fanu kum 6 mi cu a ru, a fanu hi a pa kiangah aum duh ve lo.
A nupi le a fale pawl a that hlanah a nupi hnenah ca a kuat, “Midang zohman na itpi thei lo. Zantinten fale tello ih zan it a harzia na theifiang maw, ka hringnun na siatsuah. Na game lek ka paih nawn” tin ca a kuat.
Leave a Reply