Iran, Ahvaz khawpi ih um innsang nu kum 17 mi cu a pasal in a lu a sat tan, a lubul cu an khuasung ah a vahsuahpi ih a kut khatlam ah namtong a keng ih amah cu a hni siamsiam. Mona cu kum 12 mi a si laiah a unaupa (cousin) thawn an neihawkter, fapa pakhat an nei ih a pasal in a hmuhsuam thei zet.
Mona in ṭhenaw dingin a tawlrel nan a pasal in a ṭhen duh lo ruangah Turkey ram ah a tlan. Asinan a innsang pawlin an khua ah tlungsal dingin an ko ih ‘na him zo’ an ti, an khua ah ava tlungsal ih a pasal le a naupa in an rak that.
A pasal cu mipa diktak a sizia pholannak ah a nupi ih lu kengin khualak ah a vakkual. Tualsung palik pawlin tualthattu pahnih cu an kai ih ziangvek hremnak an pe ding ti cu theih a si hrih lo. Kum 2 liamzo khalah pacang pakhat in a fanu kum 14 mi ih lu a sat tan.
Palik pawlin tualthattu cu an kai ih kum 8 sung thawngtla dingin a thu an ṭhencat. Iran ramsung ah nunau dinhmun a niam zet ruangah le ‘Ṭihzah upatnak ih tualthat’ tin nunau pawl an that ṭheu ruangah an nunphung le an cozah cu mipi in an soisel.
Leave a Reply