A Nupi Naupai Laiah Fala A Nei Ih A Ṭhen Tum, A Nupi In A Sat That

Bago, Yaetar Shay Township, Zawin khua ah naupai pakhat in a pasal a sat that. A naupai cu thla 4 a kim zo, a pasal in fala dang a neihsan ih a nupi naupai lai cu ṭhen a tum. A fala thawn an neiaw tum.

Mani simlam nazi 5:00 hrawngah ṭongkam an el’aw ciamco ih kum 20 mi Aung Ko Latt cu a nupi in a sat that.

Kum 23 mi Mazin Mar Win in, “Milian innsang an si ih sumpai an nei. Kannih cu kan farah, kan neihawknak cu thla 4 lawng a si lai. Nau ka pai ihsin nupi dang neih a tum. Kan naupaimi cu thlak dingin in fial ringring, sumpai ziangzat khal cem sehla ka pe ding a ti.

Bike thawn in phur tikah ka naupaimi siat seh tin cakpin a mawng hrim ṭheu, naupaimi siat dingah siivai khal in eiter. Ka thinlung le taksa rethei dingin a tuah” a ti.

An buai sun ah a pasal in a pum a sit ciamco ruangah a ningna tuk ih ṭih zet cingin a pasal cu a sat that. Nam in a sat ih nam an cutawknak ah a pasal ih hngawng ah a sat ngah, a pasal in a pum a sitnak ruangah a pum naa ih siizung ah an tuamhlawm rero lai. Ṭuanvo neitu pawlin an thuhla cu an buaipi rero lai.

Be the first to comment

Leave a Reply

Your email address will not be published.


*