A Nupi Nitinten Tak A Kholh Lo Ruangah A Ṭhen Tum >>>

Nupa hi ṭhenaw thei ringring an si ruangah pakhat le pakhat pehtlaih awknak ah fimkhur a ṭul zet. Uttar Pradesh ih um innsang pabik in a nupi cu nitinten tak a kholh lo ruangah a ṭhen tum, curuangah a nupi in Nunau Humhimtu Pawlkom hnenah bomnak ava dil.

A nupi in ṭhenawk a duh lo ih a pasal thawn innsang nuam zet din a duh thu pawl a sim. Nunau cu Kwarsi khuami a si ih a pasal cu Chandaus khuami a si. An neihawknak hi kum 2 a rei zo ih fate kumkhat mi an nei.

Nunau Pawlkom Women Protection Cell in, “A pasal in nitinten tak a kholh lo ruangah a ṭhen tum, ca ara thehlut ruangah kan buaipi rero lai, an nupa nun khal kan runsuak tum. Nunau in ṭhenawk a duh lo ih a pasal thawn innsang dintlang a duh thu pawl a rel.

A pasal cun ṭhenaw dingin in bawm uh, nitenten tak a kholh dah lo tin in ngen ve. Nitinten tak a kholh lo ruangah ṭongkam an el’aw ringring, a pasal khal kan theitawkin kan lem. Nan buainak hi a tenau tuk ih tuahṭhah theih a si, nan ṭhenawk asilen nan fate in a tuar ding kan ti, cun an ṭhenawk ding hi rem kan ti lo ruangah umtlang dingin kan forhfial ih kan tlungter sal” an ti.

Be the first to comment

Leave a Reply

Your email address will not be published.


*