A Nupi Tlawng Sayama In Nauhak Pawl Humhimnak Ah A Thi, Ni 2 Hnuah Lungkuai In A Thi

May 24, 2022 zinglam nazi 11:32AM ah mino kum 18 mi Salvador in tlawngta nauhak pawl a kap ciamco ih nauhak 19 le zirhtu 2 an thi. Salvador khal palik pawlin an kap that ve.

Sayama pakhat cu kum 46 mi Irma Garcia a si ih himi tlawnginn ah kum 23 sung sayama a ṭuan zo. Tlawngta nauhak pawl khalin an ngaina zet ih ‘Teacher of the Year’ laksawng a ngah.

Phun 3 tlawngta nauhak pawl ca a zirh rero laiah Salvador in ava kap ciamco, phun 4 kailai a fanu in, “Ka nu cu a tlawngta nauhak pawl hmaiah ava dawp ih a taksa in a phen ih an kap that” a ti. A pasal Joe thawn kum 24 sung an neiaw zo ih fa 4 an nei, nunau 2 le mipa 2 an nei.

Tlawng sayama Irma ih thih thuhla cu a pasal in a theih veten a lungkuai in a ṭap rero, ni 2 hnu May 26, 2022 zinglam ah Joe cu lungphu cawl in a nupi dung a thlun.

A unaupa in, “Joe cu lungkuai in a thi. A duhdawt zet mi a nupi in a thihsan ruangah a tuar thei lo. Kan innsang hrangah thlacamnak in in bawm hram uh” tin a tarlang.

Be the first to comment

Leave a Reply

Your email address will not be published.


*