A Nupi Uire Thawn An Ṭhenawk Hnuah A Nupi Ih Nu Thawn An Neiaw

Russia ram ah duhdawtnak danglam zet a thleng, nufa cu mipa pakhat cuhaw in an buai rero lai. Vyacheslav (kum 52) le Elena (kum 56) cu an neiaw, Elena hi nuthlawi a si ih fanu pakhat anei zo. Cutin an neihawk hnuah Elena cu mipa dang lakah a uire ih a pasal thawn an ṭhenaw.

An umnak inn cu Elena in a co ih a pasal cu a suak, Elena ih nu Galina (kum 75) in an makpa hi a zangfak tuk. Cun a fanu hi miṭha lo a si ti khal a thei ruangah an makpa cu a inn ah um lawk dingin a sawm, cutin an umtlang hnuah an duhaw ih 2010 kum ah an neiaw.

Kum 23 in an thlauaw nan kum ah an buai lo ih an duhdawt aw zet, Russia ramsung ahcun an lar tuk ih an thuthang picang CEN khalin hmaiton thusutnak anei.

Galina in, “Ka fanu in a pasal hlun hi a duhsal ih laksak in ra tum ringring, ka nupa karlak buai dingin a tuah ṭheu. A fanu kum 30 mi, midang thawn an fa khal ka pasal hnenah ara thlah ih ittlang dingin a fial. Hitin kan nupa ṭhenaw dingin a cangvai nan a hlawhsam.

Ka pasal thawn kan boruak a ṭha tuk ruangah ka fanu in in thik tuk, Vyacheslav hi ka fanu hnenah a kirsal nawn lo ding, a san cu arak bum tamtuk zo” a ti. A pasal Vyacheslav khalin, “Ka nupi Galina thawn kan ṭhenaw lo ti ka fiang, a san cu in bum dah lo ih ka hrangah a rinum ringring. Ka nupi hi ka duhdawt tuk” a ti.

Be the first to comment

Leave a Reply

Your email address will not be published.


*