A Pa Aiih An Kaihmi Cu Thawnginn Sungah Seherh Um In A Dam Lo

Mandalay, Mogoke khua ih um fala Ma Theint Sandi Soe cu ralkap pawlin a pai aiah an kai. Hringtu a pa Ko Soe Htay cu lamzawhnak ih mipi hotu pakhat a si, a fapa 2 thawn ralkap pawlin kaih an tum ih hmun dangah an tlan.

June 13, 2021 ah an inn ah ralkap pawl an va feh ih an rak um lo ruangah inn sungih um a nupi Daw Kyi Kyi Khaing le a fanu 2 Ma Theint Sandi Soe le Su Htet Wyne cu an kai.

Tuini tiang an suah hrih lo ih an sungkhat pawl khalin an va vehvai thei lo. Hnipuan, rawl le siivai pawl khal pek an siang lo.

Ma Theint Sandi Soe cu Rheumatoid Arthritis timi damlonak neicia a si ih thawnginn sungah seherh um dinhmun in a dam lo thu theih a si. A damlo bese zet nan ralkap pawlin an tuamhlawm lo ih siivai khal an pe lo ruangah hringtu a pa in a seherh tuk.

Ko Soe Htay in “Pa ka sinak in ka seherh tuk, thu an sutnak ah a kut an tawnbet ih caan reipi sung khuk an bilter ti ka thei. Innsang tam zet khalin kan tuar vek an tuar ve, kannih aiih harsa tuar khal an um. Hi harsatnak kan tuarmi pawl cemter ding ahcun ralkap cozah hi kan dirhthlak lohli a áš­ul” tin a relhnak hmun ihsin The Irrawaddy thuthang hnenah a sim.

Be the first to comment

Leave a Reply

Your email address will not be published.


*