A Pasal A That Ruangah Hridai In An Thlai That

Iran nunau kum 25 mi Soheila in a pasal a that ruangah an ram daan le dun vekin hridai in an thlai that. A pasal in a duhlo nacing in kum 15 mi a si laiah nupi ah arak nei.

Kum 10 hnuah a pasal cu a that ih palik pawlin an kai. July 27, 2022 sun ah thiamlo coter in an thlai that, an thubuai cu ‘innsang buainak’ tin an ngankhum.

Soheila telin nunau 3 an thlai that, nunau pahnih khal pasal thattu an si veve. Zarhkhat sungah Iran cozah in minung 32 an thlai that. Tuikum 2022 thla 6 sungah Iran cozah in thawngtla 251 an that zo, nikum kumkhat sungih an thatmi aiin an tam sawn.

An thatmi 251 lakah 146 pawl cu tualthattu an si ih 86 cu ritheihsii ruangah a si. Leitlun huap daan le dun ah ritheihsii ruangih thihdaan pek cu daankalh a si.

Be the first to comment

Leave a Reply

Your email address will not be published.


*