A Pasal A Urthat

Australia, Victoria khawpi ih um kum 35 mi Angela in a pasal a urthat. January 25, 2020 ih thilthleng a si ih tu’ah court in tualthat thubuai in thiamlo a coter. Mopuai ah an feh ih ṭongkam el’aw in an tlung, inn an thlen hnuah a pasal cu an inn hmai tokham ah a to.

Cutin a to laiah Angela in datsii in ava tawih ciamco ih a urkang, an innsung ah an fale 3 cu TV zoh in an rak um. A fapa in thawmvang a theih veten a pa kang vutvo cu tidai thawn a mit tum rero nan a tlai man, a hliamtuar loin a thi.

Angela cu thiamlo an coter hnuah kum 12 sung thawngtla dingin a thu an ṭhencat, Angela in, “Ka that tum lo, ka hringhro tum men” a ti. Palik pawlin an zingzoinak ah nupa remaw thei lo an si ih ṭongkam an el’aw ringring, kut khal an thlakaw ṭheu ti an thei.

Be the first to comment

Leave a Reply

Your email address will not be published.


*