A Pasal A Zuar >>>

Kenya ram ih um innsang nubik kum 40 mi in a pasal cu a zuar ih a man in a fale pawl hrang kumthar hnipuan a leisak. A pasal hi hnaṭuan paih lo, zu ngawlvel a si ih nunau dang thawn an umtlang ṭheu.

A pasal ih khuasatdan cu a tuar thei nawn lo ruangah a umpi nunau hnenah a pasal cu sumpai in a zawrh lawlaw. Edna Mukwana le a pasal in fate pathum an nei zo. A pasal le nunau dang cu an cansual ih an umtlang, ni 7 hnuah Edna Mukwana in a pasal ih koppi nunau hnenah Ksh 2000 zat a dil ih a hnenah um ta dingin a theihter.

Edna Mukwana in, “Ka pasal cu zu tama a si ih nunau hlothlau pawl hnenah aum ringring. Ka pasal hruaisualtu nunau hnenah Ksh 2000 ka dil ih Ksh 1700 lawng in pe. Sumpai pawl cu nauhak kumthar kor leinak ah ka hmang thluh” a ti.

Thu an suhnak ah na pasal hi na hnenah ra kirsal sehla na cohlang kem?’ an tiih Edna Mukwana in, “Ziangtik hman ah ka cohlang nawn lo ding, kumthar a si zo vekin kumhlun sungih buainak ah ka lut duh nawn lo” a ti.

Be the first to comment

Leave a Reply

Your email address will not be published.


*