A Pasal Ekinn Sungah Aum Rei Thei Tuk! Hotel Ah Rawlei Dingin An Feh, Ekinn Sungah Minute 45 Lenglo Aum Ruangah Rawl Arak Ei Tan Ih A Tlungsan

Justin timi pacang cu ekinn sungah aum rei theituk, nikhat ah vei 4/5 cu ekinn sungah a lut ih nikhat ah nazi 4 sung cu ekinn sungah a caan a hmangliam. Nikhat cu a nupi thawn restaurant ah rawlei dingin an va feh, rawlei ding an cah laiah Justin in “Ka thiaraw lawk ding” a ti.

A nupi in aum rei pang ding ti a phang ruangah dimten “restaurant a si hi va um rei aw hlah” a ti. Justin khalin “minute 1 lawng ka rei ding” a tiih ava feh, asinan a mizia cu a thleng thei cuang lo ih minute 45 sung ava to.

An rawl cahmi pawl a thleng thluh ih ara suak cuang lo, a nupi cu mipa bathroom ah ava lut ih “Na ṭha maw?” tin a sut, Justin in “Ka ṭha, second khat ah ka ra hngal ding” a ti lala. Asinan, ekinn sungih um cu nuam a ti tuk ih a suak cuang lo ruangah a nupi in rawl arak ei tan ih bill a pek hnuah a tlungsan.

A nupi in a phone nan phone khal a kai duh lo bet, cumi hnuah a pasal cu amahten ara tlung ih “Ka phone bettery a cem ruangah phone ka kai thei lo” a ti. Cun an rawl tuah a rei tuk ding ti ka zum ruangah ka to ham deuh tin a simfiang aw. A nupi in online mipi pawl hnenah ziangtin so ka tuah ding tin bawmnak a dil.

A pasal ekinn sungah aum rei thei tuk ruangah a buai, online mipi in “Na hrangah 100 percent in a rinum lo a si ding. Neta ekinn a feh tikah a phone kengter hlah, a phone keng loin ekinn sungah aum rei lai thotho asilen a lo sim duhlomi taksa lam damlonak anei a si ding. Sibawi hnenah fehpi lohli aw” an ti.

Be the first to comment

Leave a Reply

Your email address will not be published.


*