Hyderabad ramsung ah thil rapthlak zet a thleng. Innsang nu pakhat in thikthu siatnak ruangah nunau pakhat a kaihrem ih misual pawl a pawngsualter.
Misual 5 cu sumpai thawn a ruai, an pawngsual lai cu video in arak zuk hnuah ‘na relsuak asilen online parah na video hi ka pholang ding’ tin a hringhro. Gayatri tei nupa le tuahmawh tong nunau cu vengkhat ih um an si.
A pasal le vengsung ih um nunau cu hnaṭuannak thuhla ah an hmeltheih aw. Gayatri hi a harhdamnak a ṭha lo ih kilkhawi a ṭul ringring. Curuangah an vengsung ih um nunau cu Gayatri kilkhawitu dingah an ruai.
October 2021 ihsin February 2022 tiang an umtlang khawm, cutawk ah a pasal ih amah tuamhlawmtu nunau cu a rinhlel. Buainak an nei rero. Cumi hnuah Gayatri in an vengsung ih um nunau cu thuhla reltlang dingin a ko, room pakhat sungah a lutpi ih cutawk khan sungah misual 5 an rak umcia.
Hridai thawn an tawnbet hnuah an sualpi ciamco, Gayatri in a phone in arak zuk bet. Cumi hnuah an sualpi mi cu hliamhma a tuar ruangah siizung ah ava feh ih siibawi pawlin an tuamhlawm, palik hnenah thubuai a thehlut ih misual 5 le Gayatri cu an kai.
Leave a Reply