A Pasal In A Cakuat A Letsawng Lo Ruangah A Thinheng Tuk, Neta Ah A Thi Ti A Thei

New Zealand ih um Bonnie timi nu in thla 8 hnuah a thilton riahsiat um zet cu TikTok ah a pholang. “Ka pasal cu a rualpi mipa pawl thawn nuamcen dingin an fehsuak. Ka cakuat a letsawng lo ruangah ka rak thinheng tuk, a thaizing ah a thi ti ka thei cu ka riahsia tuk” tin a pholang.

Online mipi pawlin thilumdan cipciar ih thei dingin an sut ih a simfiang. Bonnie in, “Ka pasal thawn kan neihawknak hi a rei zo. Zankhat cu a rualpi mipa rual thawn nuamcen dingin ramlak ah an va feh ih lamzin tluan ahcun ca kan kuat aw rero.

An feh tumnak hmun cu kan inn ihsin nazi 2 sung hrawng feh a si, a hlan khalah kan rak feh ṭheunak hmun a si. Tlangpar a si ih a hmun le ram khal a nuam zet. Zan tlai hnuah cakuat in kan biaaw rero ih in letsawng nawn lo ruangah ka mangbang tuk.

Zu a in tam deuh ih in bia thei nawn lo si ding tin ka thinheng tuk, cutin ka sing duak ih zinglam ah ka phone ka bihsal nan a cakuat aum cuang lo cu ka ngaih a ṭha lo. Khatlam ah a hungover ih a tho lohli thei lo si ding tin ruahnak ka nei. Zinglam ah ka pasal ih naupa in i rung phone ih, ‘Ka u in mual in liamsan’ tin in sim thei cu ka lau tuk. Umngaihnak khal ka thei lo, rualpi pawlin a ruak umnak siizung ah in hruai.

Vanduainak a tondan cu, an umnak hmun hi tlangpar a si. A rualpi pawlin thiaraw dingin a feh ih kham ah a tla that an ti. Ka zumdan cun kan biakawk rero laiah thiaraw dingin a feh ih a phone a bih phahphah ruangah kham ah cansualnak ava tong si ding” tin simfiangnak anei.

Be the first to comment

Leave a Reply

Your email address will not be published.


*