A Pasal In A Tlansan, Inn Neitu In A Dawisuak Ih An Vakvai

Kayin State, Myawaddy ih um innsang nu pakhat cu a pasal in a tlansan ruangah innluah man an pe thei nawn lo ih inn neitu in a dawisuak. Umnak ding an nei nawn lo ih a fale 4 thawn lamzin ah an vakvai.

A semsuahnak an khua Mon State, Mudon khua ih tlung a tum nan tlunnak ding sumpai an neih lo ruangah an thinhar mangbang zet. Kiangkap um pakhat in a hmu ih an thuhla a sutfiang hnuah a bawm.

Kiangkap um pakhat in, “September 11, 2021 zinglam ah Myawaddy lamzin kap ah nu pakhat le a fale 4 cu Mon State, Mudon khua feh dingin motor an rak bawh. Motor pawl cu an ding lawk nan motor tonak ding sumpai zianghman an neih lo ruangah zohman in an phur duh lo.

Zanlam nazi 3:00 hrawngah thu ka va suhfiah ih, Myawaddy khua ah mi inn luah in an rak khuasa ringring. A pasal thawn fate 4 an nei, a pasal in a tlansan ih a pehtlaih lonak cu thla 3/4 hrawng a si zo. Inn luah man an pek thei nawn lo ruangah inn neitu in a dawisuak thu pawl in sim.

A bak in motor to an tum nan zohman in an phur duh lo, curuangah inn ah ka va kirsal ih thosiileng pakhat, ei le in le nauhak pawl ih hnipuan ding ka la hnuah ka pe hai. Motor ka sangsak ih motor mawngtu hnenah 10000 ka peksak, cun lamzin ih an thil leinak dingah tin an kut sungah 10000 ka pe” tin a facebook cahmai ah a tarlang.

Be the first to comment

Leave a Reply

Your email address will not be published.


*