India, Jharkhand khua ah jeans bawngbi thuhla ruangah thihnak a thleng. Fala le tlangval kum note veve an nei aw, kum 17 mi Hembram cu jeans bawngbi hruh a ngaina tuk. Asinan, a pasal in jeans bawngbi hruh a duh lo.
July 12 zanlam ah Hembram cu hnaṭuannak ihsin ava tlung ih jeans bawngbi a hruh ruangah a pasal thawn an kawk aw. A pasal in, “Pasal nei lai nunau in hivek an hruh dah lo” tin a hro, a pasal cu zu a ri. Cutin an buai laiah a pasal cu a khawng aw ngah ih hliamhma nasa zet a tuar.
A innsang pawlin siizung ah an tlanpi ih July 16 ah a hliamhma tuar loin a thi. A pasal ih innsang pawlin ‘Hembram in a pasal a that’ tin palik sakhan ah thubuai an va thehlut, vengsung mipi pawl khalin nam in a dawt that an ti.
Asinan, Hembram in ṭongkam an elawk laiah rua umnak ah a tla sual ih hliamhma a tuar thu a sim. Palik pawlin a dawhnak nam cu an hawl rero nan an hmu thei lo, mithi ruak cu siizung ah an ret ih a thihdan cipciar ih theifiang dingin an zingzoi rero lai. Hembram khal palik kutsung ah aum zo.
Leave a Reply