A Pasal Ralbawi In CDM A Tuah Duh Lo Ruangah A Tlansan

Ralbawi nupi pakhat in a pasal hnenah CDM tuah dingin a fial ṭheu, atir ahcun CDM a tuah leh ding tin a tiamkam. Asinan, caan a rei vivo ih CDM a tuah duh cuang lo, CDM a tuah asilen a nulepa in an tuar pang ding a phang thu a sim thei.

Curuangah ralbawi nupi in a fale pahnih hruai in hmunhimnak ah a tlansan, ralkap CDM tuah pawl humhimtu pawlkom hnenah an tlan. A pasal ralbawi thawn official in ṭhenawknak zianghman an tuah lo nan a tlansan thu an pawlkom hotu Ma Suu Htet in media hnenah a sim thei.

An hnenah ralkap nupi pakhat khal a tlan ve, himi ralkap nupi cu a pasal thawn kum 7 sung an duhawk hnuah an neiaw. An innsang ah buai dang zianghman an nei lo, a pasal a tlansannak cu ramsung buainak ah an hmuhdan a bangawk lo ruangah a ti. A pasal ralkap in CDM tuah a tum lo lawlaw ti a theihfiang hnuah a tlansan.

Ma Suu Htet in, “Tulai hi ralkap nupi pawlin a thupten thu in sut ṭheu. An pasal pawlin CDM an tuah duh lo ruangah tlansan an tum, ralkap camp ihsin tlansuak sehla ziangtin nan humhim? Ziangtin eihawlnak nan pe?’ tipawl in suttu an tam zet” a ti.

Be the first to comment

Leave a Reply

Your email address will not be published.


*