A Pasal Thi Zo Ih Lem A Tuah Ih Thlacamnak A Nei Ṭheu

Duhdawtnak ngaingai cu a hloral thei lo timi cu Andhra Pradesh nunau pakhat in a pholang. India, Andhra Pradesh ih um innsang cawmtu pacang pakhat cu 2017 kum ah motor accident in a thi, a nupi fanau rual in an tuar na zet.

A nupi Padmavathi in a pasal theihhngilh lonak dingah tin a hrangah temple a saksak ih a sungah a lem a ret. A pasal thi zo ih lem hmaisa ahcun thacamnak a nei ṭheu.

Cutin a tuah hnuah khuadang ih um pawl khalin a temple ah thlacamnak an ra nei ṭheu a ti. Cun a pasal thi zo hngilhlonak ah tin zarhte sun, zarhpi sun le thlabial sun (full moon) ah miharsa pawl hnenah rawlei ding a zem.

2020 kum khalah Tamil Nadu pacang in a nupi thi zo ih lem a tuah ih a hnangam zet thu a rel. A nupi a thih hnu ni 30-nak ah a nupi vek ciahciah milem a tuah, Madurai in “Ka nupi in in thihsan pekte, asinan a lem ka zoh tinten kan pehtlaih aw ringring lai ti ka thei” a ti. (Ref: Indiatimes)

Be the first to comment

Leave a Reply

Your email address will not be published.


*