A Pasal Uire A Ṭhen, Asinan A Rang (A pasal ih pa) Damlo Cu A Tuamhlawm Ringring Lai

Tulai san ah hringtu nulepa khal cawm duh lo ih inn ihsin dawisuak an tamtuk zo, culai ah Marian Turcio timi nu in a pasal ih pa damlo ringring cu amai pa vek rori in a zoh ih a tuamhlawm ringring lai ruangah online sungah a lar zet.

A pasal in fala anei ih a fala thawn an tlan ruangah an ṭhenaw, fanu pakhat an nei zo. A pasal ih pa hi putar damlo ringring a si ih umpitu anei lo ruangah Marian Turcio in amai pa vek rori in a zoh ih an inn ah a hruai.

A fanu khalin a pu cu a duhdawt zet. A nu in a pu damlo a tuamhlawm lai cu video in arak zuk thup ih “Ka nulepa an ṭhenawknak hi kumkhat a rei zo. Ka pa cu nunau dang dung thlun in a tlan. Ka pu kum 98 mi (ka pai pa) cu kan hnenah aum” tin a tarlang.

Online mipi pawlin an lawm zet ih “Nu ṭhathum na si, zohthimtlak zet na si” tin an lawm. Cun a fanu khal “Na pa ih thiltuah ruangah na pu kha mawhthluk hlah, hivek hringtu nu na nei cu na vanṭha tuk” an ti.

Be the first to comment

Leave a Reply

Your email address will not be published.


*