A Pasal Zuri Tuk Ruangah Inn A Tlung Thei Nawn Lo, A Nupi In Khitin Ava Phur Tlung

Mipa pawl hi a caan len an rualpi pawl thawn zu an in tlang ṭheu, zu an ri tuk ruangah inn tlung hna khal an thiam nawn lo ruangah innsang hrangah a buaithlak thei zet.

Vietnam pacang khal a rualpi pawl thawn zu an intlang ih a tlung thei nawn lo, an zu innak hmun ah a itthat. A nupi in a phone rero nan phone khal a kai thei nawn lo, a rualpi pawlin a umnak an sim ih ava feh hnuah danglam zetin a phur tlung.

A bike dunglam ah vokte vekin a tawnbet ih a phurtlung lai zuk cu online sungah a darh ciamco hngal, kiangkap um pawl cu an hnihsuak tuk ih supaw thei loin an hni ciamco.

Online mipi ṭhenkhat in, “Zuk sungih nu cu a smart nasa, thil tidan a thiamtuk ih a pasal hi zu in ṭheu a si ding. Bike mawng khal a thiam zet si” tin an lawm.

Ṭhenkaht asilen “Khitin miphur cu a ṭihnung tuk, cansualnak tla tong pang uhla na phurmi hrangah a ṭihnung tuk” an ti. Ziang asikhallen casiartu pawl lakah zu in ṭheu nan um pang maw, inntlun hna tla nan thiam lo asilen khitin an lo phur tlung ve men a ṭul ding.

Be the first to comment

Leave a Reply

Your email address will not be published.


*