A Phone Sungih Zuk Ruangah Mino Pakhat An Kai Ih Nazi 24 Hlanah A Thi

Sagaing Division, Monywa Township, Thalla veng sungih um tlangval kum 29 mi Ko Thet Paing Soe cu ralkap pawlin an kai ih an vel that. August 24 zan ah ralkap pawl cu an veng sungah an va lut ciamco ih innkhat hnu innkhat an check-up vivo.

Ko Thet Paing Soe tei innsung an va check-up ih a phone an zohsak, a phone sungah lamzawhnak ih a tel lai zuk pawl an hmuh ruangah an kai ih an sakhan ah an hruai.

Nazi 24 hlan, a thaizing August 25 ah a thih thu a innsang pawl hnenah an sim thei ih a ruak ra la uh an ti. Ralkap pawlin a thihnak cu Covid-19 nat in an ti, a innsang pawlin “Damlonak zianghman anei lo, an ra kaih lai khalah a damṭha tuk lai” an ti.

Hmin tarlang duhlo tualsung mi pakhat in “Covid-19 in a thi an ti cu a cang thei lo lawlaw. An vuak, an velhnak hliamhma ruangah a thi si ko ding” a ti. Assistance Association for Political Prisoners (AAPP) in “Ralkap pawlin thuneihnak an lak hnuah minung 1000 lenglo an hrem/kap that zo tin thu an phuang.

Be the first to comment

Leave a Reply

Your email address will not be published.


*