A Pi A That Hnu Kum 28 Ah Hringtu A Nu A That

Greece ram, Grevena khawpi ih um mipa kum 59 mi in December 14, 2021 ah hringtu a nu kum 83 mi Victoria cu a pawngsual hnuah lukhum in a nen that. Tualthattu hi thluak fehdan diklo an timi a si.

A nu cu a that hnuah tak a kolh ih a hnipuan pawl a thlengsak thluh, cutin mithi ruak vuitu hnenah ava feh ih ihkhun ah a nu hi thicia in a hmuh thu a sim thei, cun mithi ruak vuitu hnenah phum hngal dingin a ngen ruangah mithi ruak vuitu in rinhlelnak anei ih tualsung palik pawl hnenah thilthleng cu a sim thei.

Tualsung palik pawlin tualthattu cu an kai ih a thiltuah rapthlak zet khal a phuangaw, hringtu a nu a thatnak a san cu a rawlei ding mi a urkang sak ruangah a ti. 1993 kum ah tualthattu hi kum 32 mi a si ih a pi (a nui nu) arak rek that zo, cutawk ah palik pawlin an kai nan a thluak fehdan a dik lo ruangah kum reipi sung thinlung ciangkuang lo pawl umnak runinn sungah an khum.

A dinhmun a ṭha deuh ih an ruat runagah an suah zalen ih tlawnginn ah Gym saya a ṭuan, cumi hnuah hringtu a nu cu a that ih thinlung ciangkuang lo pawl umnak runinn sungah palik pawlin an khumsal ding.

Be the first to comment

Leave a Reply

Your email address will not be published.


*