A Poi! Khin-U Doawknak Ah Mipi Humhimtu 12 An Thi

February 17, 2022 ah Sagaing, Khin-U ramsung ah tualsung mipi humhimtu le ralhrang pawl an kapaw ciamco.

An kahawknak ah meithal an thlauaw tuk ruangah tualsung mipi humhimtu 12 an thih phah, hliamtuar khal an um. An doawknak hmun cu lolak a si ih kilhim awknak thil zianghman aum lo, tualsung mipi humhimtu pawlin tuahcop meithal an hmang.

An doawk hnuah ralhrang pawlin mipi humhimtu pawl ih tuahcop meithal zuun 30 hrawng an laksak, mual liamtu mithi lakah tlawngta nauhak khal an tel thu theih a si.

“Mino pawl cu meithal ṭha an nei lo nan ram tuahṭha an duh tuk ruangah an ralṭhatnak hmuah suahkhawm in ralhrang pawl an do ih ram le miphun hrangah an nunnak an hlan” tin upatnak an pe.

Be the first to comment

Leave a Reply

Your email address will not be published.


*