A Poi Tuk Aw! Online Ih A Fala Tong Dingin Ava Feh Ih Arak Duh Lo

Indonesian tlangval thinlung thianghlim zetin online fehtlang in fala a sar. Mobile Legends game an leknak ah fala thawn an duhaw ih tongaw dingin an tiamkam aw.

Fala cu khua dangih um a si ih an umnak khal a hlaaw zet, asinan tlangval in a duh tuk ruangah va tong ding rorin a poksuak. Riau khua ihsin motorcycle thawn a poksuak ih a fala tuallennak Padang Panjang khua ava thleng.

An umnak hi 236.1 kilometres in a hlaaw, cutin Kota Padang Panjang bazar ah an tongaw ih fala in arak duhsal lo ih a hnawng.

Tlangval cu bazar kiangah a to ih a ṭap ciamco cu mipi in “Ziang na cang?” tin an sut ih mitthli thawn thilumdan cu a simfiang. Kiangkap um pawlin an zangfak tuk ih theiti in ding tla an pe, cun pacang pakhat in “Khaia, khatin um hlah. Fala cu an tam tuk si” tin a hnem rero. Tlangval in mitthli thawn “Misualpa in ti” tin mipi hnenah a sim ih a ṭap ciamco.

Be the first to comment

Leave a Reply

Your email address will not be published.


*