A Poi Tuk! Ralkap In PDF Sakhan An Va Sim Ṭhutṭhi

Magway Division, Chindwin tiva kiang, Yesagyo ramlak ih mipi kilhimtu pawl ih sakhan tumpi cu ralkap pawlin an va sim ṭhutṭhi.

Ralkap pawlin an umhmun khuarnak cu an rak thei thup ih August 19, 2021 zinglam nazi 6:30 hrawngah an va sim nan PDF pawl cu an rak tlan man.

Ralkap pawl cu 100 hrawng an si, mipi kilhimtu PDF pawl cu an rak tlan man ruangah hliamtuar le mithi an um lo.

PDF ṭuanvo neitu in “Yesagyo ramsung ah doawknak thleng a cu hrih lo, kan hngahawknak National Unity Government (NUG) cozah in raldo ding ni a phuan ding caan kan hngak lai ruangah sakhan cu kan suahsan hrih” a ti.

Ralkap pawlin sakhan sungih um meisa cet, bike, meithal le thil dangdang pawl an laksak thluh ih an sakhan khal an urkang.

Be the first to comment

Leave a Reply

Your email address will not be published.


*