A Pu Cu A Pi Thi Zo Ngai In A Lileng Tuk Ruangah A Pi Vek Milem A Tuahsak

Thailand, Uthai Thani province ih um tlangval kum 20 mi Teerapan in a pu lileng ih aum cu a zoh men thei lo ruangah a pi vek ciahciah milem a tuahsak. Wax hmangin a pi vek lem a tuah ih a pu cu a lungawi tuk, a nupi a ngai caan ah a lem cu a zoh ih a lungleng khal a ziaum phah.

A tupa hnenah amah vek milem tuahsak ve dingin a fial. Teerapan in, “A tir ahcun ka pu lem cu ka tuahsak duh lo. A nungdam lai ruangah amah vek milem tuahsak cu thilṭha lo a thleng pang ding ti ka phang.

Asinan, ka pu in ka thih hnuih rung tuah aiin ka damlai ah tuah sawn aw. Ka thih hlanah na pi lem kiangah ka lem tolai ka hmu ta duh’ in ti ruangah ka tuahsak ih a lungawi tuk. Ka pu hi kum 85 mi a si ih a nitlak lam caan ah a duhmi thil ka tuahsak ta” a ti.

Teerapan hi milem le thil dangdang tuah khal a thiam zet. A pi ih nu lem khal a tuahsak ih kan innsung ah an ret, mask le thil dangdang khal a tuah ṭheu ih a hminthang vivo.

Be the first to comment

Leave a Reply

Your email address will not be published.


*